魚缸Blogger：熊貓電子概念吸引

近期電子股先後出現異動，長城科技（00074）有意私有化，尋日宣布暫停買賣，而中國電子（00085）亦升6.1%至1.38元，兩股母公司都係國資委旗下的中國電子集團，佢透過揸住70%嘅中電熊貓（持有熊貓集團56.85%權益，為熊貓電子母公司）所控制的南京熊貓電子（00553），昨亦急升3.6%至3.99元，唔排除控股公司隨時會將佢收歸其下，可炒央企重組概念！

雖然熊貓電子上半年收入倒退一成至9.29億元（人民幣．下同），不過純利增長六成至8,375萬元，原因係政府補助金同投資收益增加。公司啱啱以473萬元賣咗兩條閒置LCDTV生產線，變現旨在提高資產使用率。另外，熊貓電子A股於六月底完成配股集資13.2億元，每股5.1元（昨收報9.38元），用作發展自動化裝備、通信裝備產業化項目等，亦都拎咗部分嚟買交行同建行嘅理財產品，多咗現金去擴充業務，亦有利公司盈利能力。

南京熊貓電子（00553）