五月推介過嘅天虹紡織（02678），股價喺八月創出16.36元的五十二周新高後抖咗陣，跌到落100日線11.44元附近反彈，尋日再升2.3%至14.2元，加埋14日RSI回勇，睇勢調整暫時告一段落，唔大貪先睇15個半。

睇番成績表，天虹今年上半年收入增長8.5%至36.09億元（人民幣．下同），純利激增兩倍至4.47億元，毛利率亦大幅上升8個百分點至21.4%，原因係中國同國際棉花差價收窄，有助紗線價格輕微反彈，而海外棉價廉宜亦有利減少生產成本。由於越南嘅工資、電費、稅費等都平過內地，所以天虹在越南廠房生產可以拉高整體毛利率，另因公司產能負荷已滿，六月再收購埋山東省一家紗線廠，唔少新增產能將於下半年投入運作。同時，近日內地經濟數據反映內需同外需都有改善，下半年又係傳統紡織行業旺季，不妨於14蚊樓下上車。

天虹紡織（02678）

阻力位：15.5元

支持位： 13.0元