中秋長假後，得半日市，上星期四、五預託證券插水，已預期港股昨日先回補23,214至23,469點上升裂口機會極高，殊不知上午滙豐編製的九月中國製造業PMI初值，升至51.2的半年新高，減低上周五美股急挫的殺傷力。

恒指期貨走勢

昨日大市低開87點後，跌幅一度收窄到35點，不過，大戶見美股情況唔明朗，收市前大市一度跌211點，最後收23,371點，跌130點，主板成交440億元，半日市唔算少。期指日市以23,356點收市，較現貨低水15點。

昨以開市價高於23,320點樓上作為做淡條件，結果限價盤順利在23,420點承造，暫訂再確認升破23,520點止蝕，短期目標則在23,095點。本周五，九月期指將結算，但九月期指未平倉合約依然在累積當中，上周五去到10.1萬張，是八月底轉倉後新高，單單上周已增加近7,000張。上周美股明顯轉弱，筆者唯一忌憚的是大戶或唔跟章法，揀跟A股而唔跟美股行，故選擇先以三分之一注碼入市。