強颱風天兔殺到，睇樓客不願外出睇樓，令昨日部分地區的預約睇樓幾近全數取消，拖累二手成交急跌，代理表示，十大屋苑在中秋三日長假期僅錄6宗成交，若單計剛過去的周六及周日，兩日亦只有3宗成交，按周銳減達75%。

十大屋苑在過去兩日有8屋苑錄「零」成交，顯示二手市幾近癱瘓，中原稱，期內除天水圍嘉湖山莊錄約2宗成交外，另藍田麗港城亦僅錄1宗成交。中原王樹明稱，嘉湖山莊三天長假僅售4伙，周末兩天只有2宗成交，按周減33%，其中麗湖居3座中層H室，由原叫價339萬元，減至318萬元沽出。美孚新邨只錄1宗成交，該行霍劍亮稱，百老滙街82號中層D室，上月至今累減90萬元，售480萬元。

馬鞍山睇樓陷停頓

強颱風天兔襲港，不少睇樓客取消預約睇樓。港置余柏稱，該行昨日在美孚新邨原錄約10餘組預約睇樓，結果有近半數取消。世紀21奇豐梁榮貴稱，該行昨日於馬鞍山屋苑的預約睇樓近乎全數取消。據了解，鴨脷洲海怡半島及鰂魚涌康怡花園，有部分睇樓客改為中午前睇樓。

其餘各區亦僅有零星成交，中原柯勇稱，將軍澳區過去三日只錄約8宗二手買賣。利嘉閣冼志勇稱，大圍金獅花園2期G座高層8室，剛售300萬元。另市傳盛薈3座北翼高層戶售888萬元，較前年購入價帳面低約43萬元。