政府「辣招」果然夠辣，樓價過億元嘅工商舖成交愈來愈少。睇番代理嘅資料，今年為止該類大額物業成交只有約130宗，暫較去年首三季少逾一成，當中商舖物業買賣佔約55宗最多。好耐無買舖嘅恒生銀行（00011）就擲1.8億元，向劉皇發家族購入屯門鄉事會路地一籃子舖位。

剛易手的屯門鄉事會路四至二十六號地下6及7號舖，與閣樓部分及1樓全層等樓面，總面積約逾萬二多方呎。

本年工商舖逾億元成交宗數分布

許偉國料逾億元工商舖成交量，會持續低位徘徊。（資料圖片）

綜合韋堅信測量師行數據同市場資訊，劉Sir發現今年一、二月過億元工商舖成交量加埋超過70宗，總額逾180億元。不過，辣招後該類成交明顯大減。

商舖買賣佔55宗最多

截至今年本月中，加埋得嗰130宗，同舊年頭三季比，少咗約20宗，幅度約13%，總額約450億元，亦減少約110億元，幅度近20%，反映期內以細額成交為主。該公司物業發展及投資董事許偉國話，今年過億元工商舖買賣成交大部分集中喺一及二月，足見辣招推出後。

依家商舖一般租金回報率都有約2至3厘，所以唔少資金仍愛追捧，今年初到依家，約130宗逾億元工商舖成交中，商舖買賣佔達55宗，高佔整體工商舖物業買賣約42%；而商廈物業買賣約35宗，比例佔約27%。

恒生1.8億買一籃子

土地註冊處啱啱公布嘅資料，上述屯門鄉事會路4至26號地下6及7號舖連閣樓部分，以及一樓全層等零售樓面錄臨時買賣登記1.8億元，買家係恒生銀行有限公司，原業主係KAMLAM COMPANY LIMITED，睇番公司註冊處資料，間公司董事包括劉皇發，劉氏係新界鄉議局主席，約十三年帳面賺約1.47億元，賺幅逾4.4倍。聽講上址面積共約1.2萬多方呎，呎價約1.4萬元。劉Sir相信恒生係睇好V City帶動區內人流，所以喺嗰度買舖開分行。

「辣招」下，唔少投資者都減少入貨，反而積極沽售非核心物業，「舖王」鄧成波今年就先後賣咗9項工業同零售物業，套現逾38億元。