尋日推介嘅興業太陽能（00750）升1.1%，收市重上8蚊關，而同業漢能太陽能（00566）剛獲注資，即市創下0.81元的五十二周新高，埋單仍升4%，收報0.78元，成功突破保力加通道頂部0.76元，可以候低喺中軸0.73元附近上車，阻力睇0.85元。

漢能現正大力推動全球擴張策略，睇番成績表，今年上半年收入增長27%至20.8億元，純利增長87%至14.4億元，原因係交付予客戶的整線生產線產能大幅增加，同埋技術持續更新令毛利率上升。另外，繼五月成立漢能全球光伏應用集團拓展下游後，佢啱啱向漢能控股收購一家從事CIGS（銅、銦、鎵、硒）薄膜太陽能技術研究及開發的瑞典公司，代價2.8億元人仔，交易令佢實現本土化同大規模量產，即係削減整線生產線的原材料成本及組件生產成本，進一步提升盈利能力及競爭優勢，亦令市場憧憬注資行動陸續有來。

漢能太陽能（00566）

阻力位：0.85元

支持位：0.65元