九月首個交易日，好友趁政局緩和及內地數據理想，伺機挾淡倉，恒指裂口高開217點後，十五分鐘已飆升508點，散戶欲追無從，部分上周偷步買入熊證的，更即時損手，在開學日「交學費」！

好友伺機挾淡倉，大市昨裂口高開，散戶要從中「搵食」十分艱難。

恆指昨日裂口高開

散戶睇市
想買牛證
梁先生：「美國唔會咁快退市，本身都係睇好個市會升番，都有諗住買吓牛證，但最後淨係買咗正股。」

睇淡後市
曾先生：「依家外圍都無好消息，本身都睇淡個市，但最後無買熊證，如果唔係真係輸咗都唔知乜事！」

港股沽空日誌

收市升443 過五關

美國總統奧巴馬尋求國會批准後，才會對敍利亞採取軍事行動，意味短期內開戰機會降低，淡友頓時失去一個主要做淡藉口，加上內地製造業PMI勝預期、美股周一假期休市，好友伺機挾淡倉，昨日恒指急漲443點或2.04%，連漲三個交易日，重越10日、20日、100日、250日牛熊線、22,000點「五關」，收報22,175點；國指最多漲237點，全日漲229點，重越萬點關，收報10,055點，港股總成交555億元。

九月充滿變數，市場普遍看淡後市，個別散戶更偷步買入熊證冀大市回調，詎料昨日港股裂口高開，看淡散戶即時損手，在開學日「交學費」，不少投資者更「得個睇字」，散戶郭先生稱：「現貨都未開，期指已急升近300點，跟住開市恒指一支箭咁升，真係反應唔切！」

五成散戶今年輸錢

本報統計顯示，今年恒指有17日上漲或下挫逾400點，當中有12日或逾七成屬裂口高開或低開逾200點，散戶根本「追唔切、走唔甩」。事實上，本報一項網上民意調查顯示，逾五成受訪者表示，今年投資股市依然錄得虧損。

豐盛金融資產管理董事黃國英直言，過去四、五年港股差不多原地踏步，散戶持股數年「得個桔」；相反，「炒多兩嘢」更會中伏，以致港股參與者減少，尋找對手接貨較過往困難，容易觸發「價位漩渦」，如昨日恒指被挾上21,900至22,100點後，不少基金被迫追貨，加深「價位漩渦」，散戶「追都追唔切」。

訊匯證券行政總裁沈振盈表示，近年不少大戶透過裂口高開或低開殺掉許多期指、期權金與牛熊證等衍生工具，因此散戶要「保平安」，宜低位時只買五成貨，任由股價飄浮，每漲10%就減持部分「食胡」，每跌10%就「溝貨」。

歐股尾段上漲近2%

儘管美股假期休市，歐股在中東局勢紓緩、英國製造業活動升至兩年半新高及歐元區PMI數據勝預期刺激下，英、法、德國股市尾段漲1.74%、1.84%及1.89%。即月恒指期貨周一尾段報22,161點，漲593點；即月國指期貨報10,047點，漲288點。