上周傳出非法補貼指控，搞到一眾光伏股捱打，但上周五終於作出反彈，其中興業太陽能（00750）喺成交激增下，以大陽燭突破各條平均線，狂飆一成，收報7.91元，即市掂到8蚊關，受佳績兼補貼新政帶動，後市應該仲有睇頭。
興能今年上半年收入增長三成至17億元人仔，純利增長兩成半至1.7億元人仔，毛利率亦由24.7%增至25.1%，加上手頭訂單金額高達21億元，年度業績有保證。另外，公司亦同金保利新能源（00686）訂立戰略合作框架協議，將於太陽能電站、微電網項目、綠色建築及智能低碳衛星城等方面展開合作，有意向其附屬出售100兆瓦屋頂光伏電站項目，未來積極拓展可再生能源業務。睇番幅圖，股價自七月中旬起沿住10日線下跌，由高位9.6元碌到落上周三低位6.99元，唔見咗兩成七，有見四月延伸至今的上升軌底部7元支持唔錯，短線如果仲守得住嘅話，話唔定可以收復失地。
興業太陽能（00750）
阻力位：10元
支持位：7元
暴炒妹
| 租／售 | 租 售 |  |
| 樓盤由squarefoot.com.hk提供 | ||
