魚缸Blogger：四環醫藥佳績支持

內地喺月中至十一月底調查醫藥領域的商業賄賂，龍頭醫藥股四環醫藥（00460）股價由高位5.4元碌到落低位4.69元，唔見咗一成三，但尋日交咗份省鏡嘅成績表，即市一度急升9.7%，收報5.18元，埋單仍升7.6%，加埋14日RSI（49）回勇，短線如果可以突破埋20日線5.25元，話唔定可以踢上五十二周高位5.75元。

睇番四環成績表，今年上半年營業額增長67.3%%至23.24億元人仔，純利增長33.8%至6.17億元人仔，相等於去年全年賺9.04億元的68.2%，值得讚好，而毛利率亦由77.1%升至79.5%，原因係高毛利產品增長較快。隨住用於治療胃腸道潰瘍的「安納拉唑鈉」獲得臨床試驗批件，期內I類創新藥數目已達五個，加埋獨家首仿新藥「羅沙替丁注射液」正式推出，令產品組合更加多元化，兼且市場潛力具憧憬，有利公司業務持續增長。

四環醫藥（00460）