魚缸Blogger：金蝶國際睇位收集

過去幾次暴炒妹推介金蝶國際（00268）嗰陣，賣點都離唔開話佢盈利復甦，增長期來臨，結果等到交咗份成績表先至開車，加上呢期軟件股得寵，尋日就同中國擎天軟件（01297）孖住上，前者即市創出2.43元的五十二周新高，收報2.37元，升幅7.7%，後者亦升6%。

過去金蝶積極轉型同調整，繼去年虧損縮至1.4億元（人民幣．下同）後，今年上半年扭虧為盈，錄得純利861萬元，去年同期則蝕2.1億元。隨住金蝶開拓銷售渠道以及雲管理服務，期內毛利率升6.1個百分點至74.7%，另推出基於雲平台的ERP產品K/3 Cloud V2.0，進化版有助提升對客戶服務的價值，主席亦話雲管理可以持續高增長。睇番幅圖，股價自七月起沿住10日線上升，保力加通道擴闊，技術上已進入超買區，畏高的話可以等到回調兩蚊後收集。

金蝶國際（00268）