魚缸Blogger：華油能源可追落後

尋日隻宏華（00196）突然狂飆一成八，殺入升幅榜，收報2.68元，而另一隻頁岩氣股華油能源（01251），近呢幾個月股價表現硬淨，喺波幅區間4.17至5.2元停滯不前，昨日亦升4%，話唔定可以跟住佢追落後，建議策略係高沽低買，阻力睇五十二周高位5.2元。

華油去年收入同純利一樣增長逾三成半，而佢今年三月中標中石油塔里木油田公司克深區塊一口井的鑽完井項目，涉及金額2.3億元人仔，有見同業巨濤海洋石油服務（03303）喺早前發盈喜，相信華油嘅中期業績亦都唔會失禮。雖然外界質疑內地頁岩氣的勘探開發仲處於早期階段，產業距離收成期路途遙遠，不過頁岩氣始終係新能源發展大方向，而且公司的身價在於規模及技術優勢，除海外擴充成為未來增長亮點外，領先的完井及壓裂技術亦值得憧憬。

華油能源（01251）