恆指期貨走勢2013/8/9

上周五中國多項經濟數據曝光，其中，周五下午公布的七月工業增加值理想，推動大市由上午的牛皮，到午後以接近高位收市，恒指升151點，報21,807點，惟周二、三急跌合計632點之下，整個星期計恒指跌383點，結束六周連升紀錄。

恆指期貨走勢2013/8/9

周五收市計算，恒指收復20日線21,751點，以八月二日高位22,291點至低位21,571點計，0.5反彈阻力在21,931點，暫時同10日線21,916點頗接近，相信會係今浪反彈的較大阻力位。

周五期指本以逾百點低水的21,703點收市，有趣是在夜期時段見美股早市跌幅不及預期，低水收窄到2點，收21,805點，最後華爾街三大指數見紅，會唔會係夜期客表錯情？今日早市應有答案，但見上周恒指急跌的兩個交易日，牛證淨流入激增，多少反映散戶傾向博反彈多於順勢追沽。技術上，恒指要重返上周二因滙控（00005）績後急跌所導致的下跌裂口22,012點唔容易，若不能企穩10日線及22,012點樓上收市，由客觀環境睇，形勢上淡倉稍為佔優。