年初推介過嘅金界控股（03918），繼於三月八日創下6.98元的五十二周新高後，近呢幾個月股價嘅波幅區間喺5.06至6.8元，尋日以大陽燭突破多條平均線，收報6.53元，急升8.8%，睇勢話唔定可以再破頂，如果短線回吐仲守得住尋日平均價6.34元嘅話，唔大貪先睇7蚊。

金界今年上半年收入增長一成半至1.52億美元，純利增長兩成至6,285萬美元，電子博彩機及大廳賭桌業務量一樣增長兩成，而貴賓廳泥碼則持平。查實今年首五個月到訪柬埔寨嘅旅客多咗接近兩成，其中內地旅客更加激增53%，公司除咗大眾市場的營業額交足貨外，貴賓市場的勝出率及利潤率亦都上升，事關佢為賭團經紀推出一項新獎勵計劃，令到期內海外賭團分部扭虧為盈，相信下半年應該仲會持續改善，配合後年竣工嘅Naga2，依然係博彩股另一心水。

金界控股（03918）

阻力位：7.00元

支持位：6.08元