有指阿里巴巴集團重臨香港因為股權架構違規而有阻滯，但炒家當佢冇到繼續熱炒騰訊（00700），股價係咁破頂，尋日再升1.2%至375.6元，而佢揸住15.64%嘅金山軟件（03888），亦都孖住上急升半成，即市高見15.84元，創上市新高，六月嗰陣有跟推介低吸嘅話，帳面賺逾三成。

金軟首季盈利激增1.24倍至1.96億元人仔，成績表交唔交到貨唔駛多講。查實社交網絡、移動互聯，大數據分析及雲計算均為大勢所趨，中央亦積極研究促進信息化，如近日與多部委成立互聯網金融研究小組，去上海陸金所及杭州阿里巴巴實地考察，以討論行業發展、企業訴求及監管建議等。另外，工信部或將加快寬帶提速改造，相信有助提高互聯網滲透率，而受惠「十二五」規劃，一五年內地資訊消費規模料逾3.2萬億元人仔。在國策推動IT行業增長下，金軟股價仲有上升空間。

金山軟件（03888）

阻力位：17元

支持位：14元