股海實戰：中自化 伺機短炒

若內地生育政策放寬刺激嬰兒出生率，可對經濟起刺激作用，問題係要先解決好當前嘅結構性問題，再推長遠政策，才能真正惠及實體經濟同社會長遠發展，故相信目前離新政推出時間尚有一定距離。

中海仍屬內房首選

雖然財政部話會進一步擴大房地產改革試點範圍，但內房股似乎早已消化相關消息，上周提及嘅中國海外（00688）持續受惠於內房股利好氣氛，公司宣布中績對辦，更透露獲控股公司研究注入房產發展業務，惟可能上月股價累升不少，尋日反現回吐，收報23.25元，跌0.6%，睇好下半年內房股表現，中海仍然係首選之列。

繼續追縱中資板塊，尋日圍繞鐵路基建有兩個消息，其中一個係話動車招標或於本月開啟，另一消息係話十個軌道交通項目前期工作將於下半年動工，惟見相關股份表現較平淡，其中中鐵建（01186）升2%、中國南車（01766）、南車時代（03898）及中鐵（00390）均升不到1%。上月中旬，阿莊亦曾推介過南車孖寶，表現都唔錯，已上車者可繼續持有。

專門做鐵路行業緊急及安全控制系統相關供應業務嘅中國自動化（00569）亦值得留意，公司喺石化行業安全及關鍵控制系統市場均具領導地位，去年收購吳中儀表，成為內地最大嘅控制閥製造商。雖然去年受累鐵路行業不景氣，鐵路板塊收入跌兩成，但相信隨着今年下半年項目陸續啟動，有望帶動相關業務收入重拾增長軌道，嚟緊不妨留意公司投標地鐵嘅訊號系統及牽引系統專案進度。

富達一直持有中自化股權，今年六月下旬曾作出增持，上月中旬又再作減持，但買賣都只係三、四十萬股，現時持股量為9.98%，暫未有太大啟示。上月初見其股價低見1.34元後現反彈，上月下旬見1.72元後始回吐，上周調整基本上守喺1.5元樓上，尋日收報1.58元，短線較大阻力仍喺250日線1.78元，若月內中鐵投落實重啟招標活動，料有助帶動板塊氣氛，可留意短炒機會。