奧運站瓏璽仍有不少單位未完成交易，有投資者心急斬纜。(資料圖片)

樓市氣氛淡靜，喺市場想搵個買家接貨都幾難，唔少業主都會放個盤喺私人拍賣場吸客。近排有唔少入伙嘅新盤單位推出拍賣，除咗大埔天賦海灣特色戶外，仲有奧運站瓏璽都罕見地有單位推拍，拍賣嘅中層單位連約開價2,300萬元，比購入價只高出近幾千元。

奧運站瓏璽仍有不少單位未完成交易，有投資者心急斬纜。(資料圖片)

近年入伙新盤拍賣個案

近日劉Sir同代理老友傾開，話連月淡市影響下，唔少豪宅新盤紛紛喺拍賣場出現，好似瓏璽6B座中層C室，下月初透過忠誠拍賣行推拍，建築/實用面積約1,481/1,164方呎，開拍價2,300萬元。

部分業主狂劈價求售

睇番土地註冊處資料，呢個單位一一年嘅登記成交價近2,300萬元，現開價只高出近7,000元，近乎平手開拍，計埋印花稅律師費等，若以該開價售出，可能分分鐘損失不菲，現開價建築/實用呎價約15,530/19,759元。

據悉，瓏璽喺舊年七月入伙，至今唔少單位仍未完成交易，而部分業主為求斬纜，更狠劈百萬元心急甩貨，好似上月該屋苑2座有高層戶，傳聞叫價勁劈400萬元求售，另有部分「賣殼」透過公司轉讓形式易手。代理老友話，雖然個別業主願損手蝕使費，但淡市下難有承接。

天賦海灣低開無承價

近期陸續見到有入伙新盤推出拍賣，好似尋日透過世紀21拍賣行，拍賣嘅天賦海灣18座低層連平台戶，開拍價1,380萬元。資料顯示，該單位一二年登記成交價逾1,500萬元，單計帳面已低逾100萬元開拍，惟未獲承價被收回，單位實用面積927方呎，平台約835方呎。

未來兩周再有多伙銀主盤推拍，粉嶺帝庭軒2座高層E室，開價330萬元，建築/實用呎價約5,518/7,876元。