澳元兌美元走勢

歐洲並非無好消息，葡萄牙政治困局獲得解決、希臘成功獲得救命資金，都扭轉近數星期頹勢，本來可以連埋上星期好過預期嘅PMI數據先挾上，但好衰唔衰評級機構標準普爾就將意大利既主權評級由BBB+降至BBB，即時又踩番歐元一腳。

澳元兌美元走勢

英國方面數據又忽然轉差，製造業生產按月下跌0.8%，遠差於市場預期的上升0.2%，亦為低息營造有利環境。另一方面，英國五月貿易逆差擴大，都扭轉近日英國經濟復甦的預期，英鎊跌至1.4813美元的三年新低位。

雖然筆者仍然覺得聯儲局退市新聞炒得過分咗，未有如市場預期般樂觀，因為美國未來的通脹預期仍舊偏低，聯儲應局應該傾向慢慢收水。不過，聯儲局將成為首個退市嘅央行相信機會極大，睇番歐洲、英國、日本要收水就難上加難，尤其歐洲依家仲要面對衰退，而澳洲就繼續炒減息，相信係下半年匯市嘅一個重要方向，投資者必須認清大方向，所以今次外幣反彈，應該係今年另一次逃生機會，如果真係唔好彩坐緊艇嘅投資者，真係要好好把握呢次機會，其中澳元最樂觀該以0.95至0.96為重要阻力，因為央行早已表明息率有進一步下調的空間，姑勿論係咪擺空城計靠嚇都好，澳元至少都唔會係重拾升軌。