葵涌運通製衣大廈成功簽立特別豁免書,成為葵涌區首宗工廈活化寫字樓個案。(資料圖片)

政府推行工廈活化措施以來已經批咗唔少項目,而絕大部分改裝寫字樓嘅項目集中喺觀塘區。劉Sir知道,其實葵涌區都係工廈活化熱點之一,但改裝酒店會比較常見。不過,區內葵昌路100至110號運通製衣大廈就創咗先河,剛簽立特別豁免書准作寫字樓等用途,成為全區首宗成功改裝寫字樓活化個案。

葵涌運通製衣大廈成功簽立特別豁免書,成為葵涌區首宗工廈活化寫字樓個案。(資料圖片)

今年簽立特別豁免書的工廈改裝個案

劉Sir睇到地政總署最新資料,上述葵涌運通製衣大廈剛簽立特別豁免書,准作寫字樓、食肆及娛樂場所等用途,其實葵涌工廈活化唔係罕見,呢宗特別係活化做寫字樓,係全區同類首宗個案,好似之前簽立特別豁免書同區圳邊街15至19號、以及打磚坪街57至61號,都係改做酒店。

力寶呎租68元新高

運通製衣大廈係由香港經貿商會會長李秀恒等持有,喺一○年以4.18億元購入。劉Sir知道原先係想改裝酒店用途,有關酒店申請舊年仲獲城規會批准,不過最後都轉咗搞寫字樓。劉Sir估計係同酒店營運成本貴,加上商廈租金水漲船高有關。

事實上,商廈項目租值升幅驚人。劉Sir都收到風,金鐘力寶中心1座高層全層剛以每月約123萬元租出,每方呎達約68元,為該廈呎租歷史新高。

業主月前以逾5億元購入該層,呎價近3.4萬元更屬全港寫字樓呎價新高,今次租出嘅收租回報率約莫2.9厘。

補價收益季飆2.7倍

地政總署最新資料顯示,今年第二季補地價收益20.31851億元,較首季急增2.7倍,頭半年補價收益共25.85664億元,較舊年下旬113.7億元,則回落77.3%。新增登記涉及住宅及酒店項目各一宗,其中北角康福臺3號以3,874萬元完成補價。