CVC私募基金董事合夥人兼大中華區主席梁伯韜說:「紅籌股同B股初開始時,美國投資銀行都未嚟香港,覺得香港市場太細,他們真正嚟香港,其實是九三年有大型國企上市之後。九三年前差唔多係百富勤獨市,仲有本港或英資等,美國投行嚟咗,帶動基金公司、基金經理、分析員等其他配套,帶旺好多行業。香港投行黃金時期是由九三年開始!」

國企管理層乏延續性

他又說,H股來港上市前,其實先有紅籌股,「九十年代初,上交所同深交所想引入外資,但B股並唔成功,外資無信心,所以我搞紅籌,利用海外架構將中國企業上市。九二年第一間紅籌股上市後,H股開始醞釀。」

梁伯韜又表示:「當時聯交所主席李業廣睇得好啱,既然紅籌是一條渠道,但中國發展要由國內成立企業直接在海外發行股票,我當時係聯交所上市委員會委員,有參與H股政策研究。」

他多年來參與多家紅籌、國企上市,但近年內企上市已產生一些變化,「國企好講關係、手段,與領導人稔熟或者找太子黨,容易取得生意,我以前出道時係講實力,與客戶係信賴顧問(trusted advisor)關係,現時是短線交易為目標。」

他續說:「國企老闆五、七年轉一次,唔似香港公司老闆係大股東,會有二、三十年關係。(國企老闆)一轉又要重新去建立關係,真係好攰,國企管理層又無延續性,下一步目標係升官。」