中國海外（00688）上半年實現合約銷售金額800.7億元，比去年同期增長逾兩成，尋日股價裂口高開，升逾6%，以21.55元收市，同高位25.6元距離唔遠，配合大成交兼短線黃金交叉利好，走勢明顯一副開車格。

中國海外在香港、澳門同中國其他地區從事物業發展、物業投資及其他業務，早前兩幅喺啟德嘅港人港地就係畀佢「擸晒」，而中海宏洋（00081） 係佢嘅合營公司，主力發展三、四線城市，並作為「中海地產」品牌業務有效的補充。公司作為內房龍頭，即使內地調控樓市，中國海外上月實現合約銷售金額152.3億元，而今年頭六個月實現合約銷售金額已達全年目標的80%，要提早達標可以話易過借火。查實公司資金回籠夠快，亦有助把握好投資機會，前景穩定，股價仍有上升空間。

中國海外（00688）

阻力位：25.60元

支持位：19.89元