香港置業大埔區唯一分行剛已關閉。

地產代理經營環境嚴峻，業界一邊遊行請願要求政府「撤招」救市之餘，亦紛紛透過削舖及自然流失人手以縮減成本自救，關閉嘅分行遍布港九、新界。啱啱就有利嘉閣關閉佐敦柯士甸道分行，同埋香港置業大埔區唯一分行等。業界估計，單是四大代理行年內暫已關閉至少50間分行，下半年縮舖速度勢必加快，料全年會關閉嘅分行至少逾百間，將會係金融海嘯後最大規模「摺舖」潮。

香港置業大埔區唯一分行剛已關閉。

利嘉閣位於佐敦柯士甸道的三連巨舖，其中一間（虛線示）已關閉。

四大地產代理行現有規模

政府連番出招為樓市降溫後，一、二手成交量急速萎縮，代理生意愈嚟愈嚟難做。

劉Sir近排發現港九、新界各區都出現唔少代理分行突然關門嘅情況。其中利嘉閣繼早前關閉荃灣如心廣場、美孚萬事達廣場及上水等分行後，柯士甸道原有嘅三相連超級大舖，啱啱已關閉咗中間嗰間分行。

利嘉閣揚言再削分行

劉Sir尋日搵到利嘉閣董事徐志華證實，旗下柯士甸道關閉嗰間分行嘅業主之前要求加租，喺現時市況下真係接受唔到，所以租約期滿已立即關閉，而左右另外兩間分行稍後約滿嘅話，如果業主唔肯減租都會立即唔用。

佢直言，喺目前無盈利嘅經營環境下，租約期滿嘅分行唔減租都會放棄。

除利嘉閣外，劉Sir尋日亦都發現香港置業喺大埔新達廣場同大角咀海桃灣嘅分行經已關閉。

港置貴租舖一定唔要

同港置行政總裁李志成傾過，佢話新達廣場間分行原本係港置喺大埔區唯一分店，由於租約期滿已關閉，稍後會喺區入面物色租金較平舖位。他坦言，下半年公司會繼續減少分行，貴租舖位一定唔要，現時公司全港有約90多間分行，較年初時逾100間已減少不足10間。

美聯（01200）執行董事兼住宅部行政總裁陳坤興亦話，公司亦都要求租約期滿分行嘅業主減租10至20%，不減租嘅話會考慮唔續租，旗下大角咀港灣豪庭及灣仔分行早前因業主要求加租而關閉，他透露，近排有業主提出短期減租六個月共度時艱。

但祥益總裁汪敦敬話，依家僧多粥少環境下，公司採取多舖少人等策略。