北帝街地舖商戶以小本經營為主，包括食店及車房等。

近幾年香港鐵路網絡大大改善，帶動唔少舊區地舖租售價急升，好似土瓜灣北帝街將建有新行人隧道接駁到未來嘅港鐵沙中線土瓜灣站，近年地舖售價即刻爆升。嗰條街有個地舖舊年成交價已經去到約3,800萬元，三年間升幅高達90%，依家新買家再放番出嚟，叫價約4,000萬元，已經接近九龍城部分街舖成交價。而現時北帝街地舖月租平均「嗱埋」過4萬元，較之前租金升幅超過一倍。

北帝街地舖商戶以小本經營為主，包括食店及車房等。

代理睇好
領威置業負責人林嘉浩表示，北帝街不少地舖業主睇好後市，選擇善價而沽。

商戶擔心
領威置業負責人林嘉浩表示，北帝街不少地舖業主睇好後市，選擇善價而沽。

北帝街地舖租售放盤個案

土瓜灣未來零售前景看俏，數年前已經有投資者早着先機，喺北帝街掃舖，例如該街道一個單號地舖，面積約1,200方呎，有個投資者三年前僅以約2,000幾萬元買入，舊年以約3,800萬元賣出，呎價約3.1萬元，新買家依家開價約4,000萬元放售，以同樣面積地舖計，叫價差唔多等同九龍城獅子石道地舖做價。

業主「收埋」好價至賣

領威置業老闆林嘉浩同劉Sir講，依家北帝街放售地舖唔多，數埋只有約3個，最大原因係業主怕平賣，寧願等遲啲「好價」至賣。除上址外，該街道兩個單號放售地舖，每個面積約900方呎，業主叫價都企硬約3,500萬及3,600萬元。

土瓜灣一向畀人嘅感覺係老區，不過，自從傲雲峰等新盤一個又一個入伙，區內北帝街商戶亦起咗變化。依家條街地舖數目約莫一百多個，大部分租戶以本區地產代理、地道食店同埋洗衣店等民生行業為主，承租能力相對較低。

但由舊年開始，唔少連鎖經營嘅電訊公司，同埋食店都嚟進駐，例如連鎖經營嘅翠華餐廳，舊年租用該街道一個舖位，租金幾多就唔知，但市場估計每月租金相信近40萬元。代理話，依家該街道商舖平均呎租約60蚊，過去兩、三年已升近40%，故該街道一個單號交吉地舖，業主意向月租約4.2萬元，平均呎租近50元，較之前租金調升約1.1倍。

商戶嘆租貴生意差

喺北帝街經營洗衣店嘅袁小姐話，「沙中線對佢哋小本經營行業無好處，搞到啲舖租貴晒，租金閒閒地都倍升」。同時，以往該街道有唔少「劏房」住戶因居住單位細，都會幫襯洗衣店，不過喺多個市建局重建計劃下，呢班老主顧所剩無幾，生意愈來愈難做。