鄭家純對下半年樓市看法審慎。（資料圖片）

里昂證券日前發表報告，調高未來十八個月樓價跌幅預測至15%，新世界發展（00017）主席鄭家純接受訪問時表示，對下半年樓市看法審慎，更不滿政府一方面加快土地供應，另方面推不必要及會減慢發展商售樓的政策。

鄭家純對下半年樓市看法審慎。（資料圖片）

「樓書五百頁睇幾日」

鄭家純說：「我支持政府推公屋、居屋幫助有需要人士，唔理乜措施，唔理乜辣招，因應市況cool down（冷卻）係OK」，但一手樓盤銷售新規則不敢恭維，「我個新盤The Woodville（溱林）樓書成500頁紙，我就睇咗幾日，但派出去根本無人會睇，咁樣花時間，反而拖慢咗香港嘅售樓進度。」

他又認為，新措施「自己綁自己，無人得益，發展商就頭痕，售樓書根本唔使咁詳盡，要保障買家，怕發展商呃人，我寧願你（政府）定法則，甚至刑事告佢（犯規者）。」新世界發展日前上載溱林樓書，厚達433頁，為一手樓盤銷售新規實施兩個多月來，已公布十六本樓書中最厚。

對於額外印花稅（SSD）、買家印花稅（BSD）、雙倍印花稅（DSD）是否應定時間取消？鄭家純表示沒有意見，認為可以「睇定啲（樓市），只要唔好窒礙市場。」

昨日八隻主要地產股再度捱沽，跌幅介乎2.1至4.5%，市值單日蒸發逾388億元。Brick and Mortar分析員王震宇表示，下半年本港樓市續受政策風險困擾，目前只見供應量及交投量持續處於低位，暫難估計樓價走向。