魚缸Blogger：遠東發展上望3元

新樓銷售新例實施後，一手市場持續淡靜，本港地產股好似食咗瀉藥咁，地產分類指數累積跌幅21.5%（以一月三十日高位34,485點至六月十三日低位27,066點計），留意到隻遠東發展（00035）依然處於去年九月延伸至今的上升軌，尋日即市一度挾到去2.92元，創咗五十二周新高，可惜尾市出現沽壓，跌2.5%至2.72元，有見佢啱啱交咗份靚仔嘅成績表，值得大家關注吓。

遠展去年收益增長1.11倍至37億元，純利增長1.01倍至9.03億元，揸住32億元現金，派末期股息每股0.11元，計落息率4厘唔錯。上周公司斥7,500萬澳元（約5.48億港元）收購澳洲墨爾本物業發展項目，預期將會發展3,000個住宅單位，而交易亦令土地儲備擴大約20%。另外，旗下新盤「晉嶺」現正重售，並將於第三季推售薄扶林山道90至100號住宅項目，短線股價阻力上移到3蚊。

遠東發展（00035）