尋日逆市靠穩嘅廣州藥業（00874）收報30.25元，升幅1.8%，上月股價喺紅罐聆訊前後出現異動，創下五十二周高位32.75元，可惜之後腳軟，但憧憬「王老吉」晉級世界品牌兼母公司廣藥集團完成重組，短線應該有力再破頂。

廣藥首季多賺25%，除成績表靚仔外，近日公布請來諾貝爾獎得主穆拉德做代表，同瑞士認證機構SGS簽訂協議，啟動涼茶國際標準研究，加快涼茶嘅國際化步伐，而穆拉德亦擔任廣州醫藥研究總院院長。另外，廣藥同白雲山以換股方式合併，新增的4.456億股廣藥A股已於上交所上市，標誌公司首個重組階段完成，進一步優化中藥業務。至於母公司擁有的29項商標，因「王老吉」涉及法律糾紛，而廣藥總院仲係全民所有制企業，所以兩者暫時唔會注入上市公司，但講到明商標問題解決、公司制改建完成後，於可轉讓日起嘅兩年內，搵啱時機就會依法轉讓畀廣藥，未來發展值得睇好。

廣州藥業（00874）

阻力位：34.50元

支持位：28.67元