英鎊兌美元走勢

匯市戰場仲喺日圓同澳元身上，相信市場暫時無咩好炒，重頭戲已經放係聯儲局議息會上。呢兩個星期不時都有風放出嚟，例如指六月份可能會暗示退市流程，而作為美國喉舌嘅評級機構標普，就將美國前景展望上調到穩定，暗示未來一段時間再降級的風險大減，似乎正為今次會議造勢！

英鎊兌美元走勢

金融海嘯後，主要發達國家都先後被下調評級，AAA級嘅買少見少，搞到啲保險基金同退休基金經理選擇不多。早前就有報道指基金經理被迫加大買入美股的比重。其實，如果聯儲局唔係睇到經濟露出曙光，都唔會收緊貨幣政策，所以聯儲局如果有提退市，相信美金下半年仍然可以睇好。

近日英鎊強勢，一方面係六月份半年結前美元調整，另一方面英國數據亦普遍不俗，例如第一季GDP有0.3%增長，而五月製造業同服務業PMI同樣上升，令市場憧憬第二季GDP可以維持正增長嘅機會提高，不過，既然美元大方向上升格局未變，而七月一日又有英倫銀行新行長卡尼上任，政策係點其實都未知，所以英鎊升勢其實未穩，上升至1.5750至1.5850相信已經阻力重重，建議1.5750上方已經可以開盤做淡，升穿1.5900止蝕，目標先看回1.5320至1.5370。

GMO CLICK環球通副總裁 陳健豪