上月底推介過嘅天虹紡織（02678），眨吓眼已突破當時定的阻力位11.5元，由當日收市價10.6元，升到依家12.28元，另一隻紡織股魏橋紡織（02698），周二逆市升逾2%，收報4.73元，有見50日線4.6元附近承接唔錯，且受盈喜帶動，話唔定可向住五十二周高位5.51元進發，相等於往績市盈率10.8倍。

魏橋去年純利激增96%至4.82億元人仔，期內海外及國內銷售佔比分別為32%及68%，而公司話過未來將會繼續開拓新興市場，以及增加中高端產品佔比。魏橋喺周一發盈喜，預期截至今年六月底止六個月溢利將比去年同期大幅增長，原因係整體紡織品市場需求復甦、公司產品轉型升級，同埋煤炭價格下降令銷售電力毛利增加。今年紡織股表現標青，雖然累積升幅唔少，不過比起同業天虹，佢嘅估值仲係吸引，兩者市盈率分別為17.6倍及9.3倍，相信股價有力再上。

魏橋紡織（02698）

阻力位：5.51元

支持位：4.37元