魚缸Blogger：中油燃氣有力再升

中油燃氣（00603）尋日因為大摩唱好，股價急升一成，以接全日高位1.54元收市，短線若可突破埋五十二周高位1.62元，或10日線能升穿20日線現黃金交叉，下站阻力上移到1.7元。

中油燃氣去年營業額增長11.4%至48.89億元，純利增長七成半至3.66億元，四月公布旗下附屬與黔西南州政府訂立協議投資貴州省城市燃氣項目，而該省的「中緬油氣長輸管道」料於年內通氣，有助公司提升規模。另大摩出報告叫人買，話中油燃氣上升空間比同業大，同埋係板塊中唯一揸住淨現金嘅上市公司，畀佢目標價2.05元。

受累內地天然氣價格改革龜速，公司股價喺波幅區間1.3至1.6元停滯不前，尋日喺成交激增下，踩油收復多條平均線，短線應該有力再升多浸，不妨於個半樓下上車。