太陽日誌

上星期，港股累跌逾800點，周五收報21,575點。更弊嘅係成個星期跌市，成交唔見特別多，要知股市調整往往以恐慌性拋售結束，萬一恒指跌穿四月份低位21,423點的話，樂觀看去年底起步位21,098點或有點支持，但較令人擔心是美股一旦都因債息急升而抖一抖，最壞情況是美日中股市齊齊弱勢，港股或有機返到去年九月的上升裂口，即20,146至20,475點。

太陽日誌

綜合大行預測創科業績（美元）

美國公布五月就業數據，非農就業職位增加17.5萬個，好過市場預期的16.3萬個，及四月經修訂後的14.9萬，不過失業率由7.5%回升至7.6%。數據公布後，十年美債息抽上2.16厘，但華爾街一於少理，上周初急跌的道指周五再升207點，報15,248點。

內地銀根繼續偏緊

睇見美股大升，可惜周末內地公布的經濟數據確實很差，五月內地出口得1%升幅，進口更跌0.3%，反映內地無論出口及內需情況都比想像中壞。國統局公布一至五月固定投資名義增長20.4%，又比一至四月放緩0.2百分點。今日起內地A股休市三日，數據差成咁，恐怕港股要選擇性地跟美股行都唔容易。

上周五港股尾段愈跌愈有，事緣芬佬界流傳有內地銀行在拆借市場資金到期仍未能收回，一石激起千重浪，隔夜SHIBOR一度抽到去15厘，最後要由人行出手解困。姑勿論傳言堅定流，近日人仔拆息，又真係由谷底回升唔少，可見內地資金頭寸仲係偏緊，除非人行轉風向，再推寬鬆政策甚至減息，否則咁落去，對短期經濟及股市後向頗為不利。

上星期得番三隻藍籌唔使跌，分別係康師傅（00322）、潤創（00291）及利豐（00494）。頭兩隻今年無點威過，基金要隊都無貨，唔跌唔出奇。至於利豐，年初被分析員輪流唱衰後，都未有耐返到13.5元樓上，但基金無嘢買下，搵佢試試，反映資金見中國短期無景，認為美國經濟復甦勝算較高。

最近幾個月，美國二手樓銷售數字持續在每月500萬間附近水平，有迹象顯示今次美國樓市復甦的持續性較強，史提芬第一時間想起創科（00669），現價一三年市盈率18.3倍，同十年歷史平均差唔多，假如估值能夠去到以1個標準差水平，即23倍左右，股價可以見25元。若然股市美強中弱的情況持續，每次見創科回吐，都不妨買番多少壓吓倉底。