魚缸Blogger：東北電候回調收集

去年全國電網建設完成投資3,693億元（人民幣．下同），增長步伐持續放緩，但在市場憧憬翻新電網下，尋日一眾電力、電網設備股起錨，成都普天電纜（01202）同東北電氣（00042）分別狂飆26.6%及16.4%，後者啱啱突破頭肩底走勢，配合大成交兼以接近全日高位1.13港元收市，可以(目及)實。　

東北電從事生產輸變電設備及附件、銷售自產產品及提供相關售後服務，公司去年扭虧為盈，錄得純利1,114萬元，前年同期則蝕3,219萬元，而今年首季虧損亦由去年同期的819萬元縮至111萬元，減幅高達86%，期內營業收入激增九成，但成本控制有改善空間。睇番尋日爆上原因，係有傳國家電網計劃投資6,000億元翻新電網，如果係真嘅話，將對行業產生支持作用，東北電可以等回調後收集。

東北電氣（00042）