太陽日誌

美國退市疑雲未消，日股愈跌愈急，港股繼續尋底，恒指尋日跌216點，報22,069點，過去十二個交易日跌了十日，有幾弱勢唔使多講，大市升跌股份比例31對69。留意近期美國的恐慌指數VIX及恒指波幅指數VHSI，都由五月中低位逐步上升，有迹象向今年二、四月的兩個高位進發，再睇十年美債息僅2.13厘，距離2.4厘阻力位有一段距離，只怕退市疑慮未完全醞釀完畢，唔排除後市可能藉美國一兩個極亮麗的經濟數據，將債息挾番上去，令股市出現終極一跌。

太陽日誌

綜合大行預測領匯業績

不過，歷史告訴我們，加息意味經濟重上復甦大道，每次加息周期之初，股市振盪難免，但往往是中長線一次難得上車機會，但平心而論，筆者心目中，目前美國股市又確實比中港兩地較具投資潛力。

基金股洗倉潮持續

日日有基金股洗倉，尋日DBA電訊（03335）中段一度跌超過五成，去到1.4元，中午照例出不明跌因聲明後，拗腰收2.03元，仍要跌30.9%，相比兩星期前4.55元，真係跌到杰撻撻。搵返SDI睇公司得兩三個基金股東，加埋大股東已揸超過七成五街貨，流通貨源唔多，睇怕又係基金要錢唔要貨所致，始終打到落2蚊仲有錢賺。近期唔少芬佬為沽而沽，總之股價無乜跌過估值又唔平的基金股，都係少揸為妙。

今年歐盟對中國光伏產業提出反傾銷指控，一旦雙方無法和解，今年八月六日起歐盟對華反傾銷稅率就要大幅提高到47.6%，一眾花生友，等緊睇中國如何應對之際，商務部發言人表示，政府啟動對歐盟葡萄酒反傾銷和反補貼調查，消息一出，幾隻內地產銷葡萄酒的A股大升，一哥張裕勁升一成，本地薑方面王朝酒業（00828）拉緊閘，擁有長城紅酒品牌的中國食品（00506），亦有3.7%進帳。

領匯（00823）截至三月底年度可分派收入33.49億元，升14.6%，每基金單位末期分派75.38仙，單位資產淨值35.68元，升28.7%。期內物業收入淨額升10.3%至46.16億元，經營開支升8.19%至18.9億元，商戶續租率82.7%，整體租用率按年升1.2個百分點至94.1%。

以全年每股可供分派1.4646元，同大行估計差唔多，現價39.6元，息率回報3.69厘，估計一四年三月年度升至4厘左右。由於息升憂慮，加埋REITs累積升幅實在唔少，惹來計數沽盤，但以過去六年平均息率4.4厘計，回歸中線會是36元左右，管理層提出可能出售部分物業，要知領匯資產向有被低估的共識，除非美債息未來兩個月升幅遠超預期，否則在重估的憧憬下，估計跌穿36元唔易，或去到十二月起步位37.9元左右，等執平貨的可開始搵經紀傾傾。