海濱道One Bay East西座寫字樓樓花盤，成交呎價逾八千元。

近年商用物業人氣急升，發展商唔執輸清貨，加埋一手住宅銷售條例月前生效，情況更明顯，今年頭五個月，恒地（00012）等八個發展商共賣咗至少8項零售及寫字樓物業，加埋套現超過114億元，金額之多係近年罕見。

海濱道One Bay East西座寫字樓樓花盤，成交呎價逾八千元。

今年首五個月發展商出售商用物業情況

劉Sir計過，恒地、新地（00016）、信置（00083）等、新世界發展（00017）、資本策略地產（00497）、華懋集團、會德豐地產及南豐或有關人士共八個發展商，單係今年頭五個月共賣出8個商用物業。

外圍經濟局勢唔係咁穩陣，對於保險公司同大型銀行嚟講，反而危中有機，發展商自然唔放過機會，對呢班實力客仔招手。

東九樓花賣45億矚目

會德豐地產月前以45億元賣出東九龍海濱道83號One Bay East西座寫字樓樓花盤畀宏利人壽保險，聽講幢物業樓高21層，總樓面逾51萬方呎，呎價約8,700元。

另外，今年三月南豐或有關人士以29億元賣咗旺角亞皆老街113號全幢商廈，買家係恒生銀行（00011）或有關公司，物業樓高約30層，總樓面約34萬方呎，呎價約8,500元。

非商業核心區寫字樓吃香，恒地月前開賣黃竹坑環匯廣場多層寫字樓樓花，約一個多月速售10至36樓大批寫字樓單位，以及2樓同5樓一批車位，共套現逾18億元。

有代理話，一手新盤供應短期仍短缺，發展商要維持生計，估計會繼續靠賣商用物業支持收入，下半年情況有機會仲明顯。佢話，嘉華地產嘅荃灣沙咀道富華織造廠舊址商廈重建項目，都已改名做嘉達環球中心，預期短期內會賣，市值呎價約1萬元。

另香港興業（00480）嘅同區灰窰角街2至6號工廈重建項目，估計有機會短期內推出，市值呎價約5,000元。