Viewpoint：點解比亞迪撻唔着？

電動車價錢唔平，而且叉電麻煩，令絕大部分車主卻步。在美國納斯達克上市的電動車廠Tesla（TSLA）做咗十年，今年首季終於賺錢，而且第二個車款Model S銷情超預期，公司股價年初至今升達1.7倍，預測市盈率達890倍。翻查資料，一架賣百萬港元的Model S重達2,100kg，0至100km/h只需4.6秒，馬力達416hp，而且外形唔差，原來車廠之前出的車款是電動開篷跑車，連佐治古尼、畢彼特都有買，就知佢有幾型。