魚缸Blogger：龍工復甦動力強勁

內地去年GDP保八失敗，為八年來首次，搞到工程機械行業需求大減，中國龍工（03339）去年業績幾難睇吓，股價由一月高位2.48元，碌到落四月低位1.32元，累積跌幅高達47%，尋日逆市急升10.3%，以接近全日高位1.81元收市，而同業三一國際（00631）亦都升逾7%，事關高盛出報告唱好，話行業需求開始有回升迹象，更將龍工放落「確信買入」名單，復甦動力強勁，後市應該仲有睇頭。

龍工去年營業額倒退38%，至78.95億元人仔，純利急跌91%，至1.51億元人仔。不過高盛就指出，今年以來基建固定資產投資及房地產新動工量均見按年增長，其中裝載機佔收入比六成半的龍工，將最受惠產品銷售復甦，預期今年毛利率將比去年下半年回升1.6個百分點，而且公司已經着手控制員工及財務成本，加上現時估值低過同業，處吸引水平，畀佢目標價2.3元，同現價差距27%。

中國龍工（03339）