魚缸Blogger：微創醫療可再破頂

三月推介過嘅微創醫療（00853），繼於三月二十五日創下6.16元的五十二周新高後抖咗陣，尋日再以大陽燭同大成交炒上，急升14.6%至6.11元，睇勢話唔定可以再破頂，如果短線回吐仲守得住尋日平均價5.92元嘅話，唔大貪先睇7蚊。

微創從事開發、製造及銷售治療血管疾病及病變的產品，同埋心臟病、電生理，以及骨科及糖尿病器械，去年營業額同純利一樣增長逾一成，分別至9.3億元及3.5億元人仔，其中收入佔比逾八成的心血管介入產品業務增長3.2%，而其他產品銷量更激增78.4%。雖然期內研究及開發成本減少4.7%，不過就反映出公司距離收成期又邁進一步，而產品亦都由前年的54種增至92種，以多元化取勝。

睇番尋日爆上原因，微創啱啱公布正洽購一間海外醫療器械公司，有助佢進化成為高科技醫療器械企業，不過仍然有待落實，可以等回調後收集。