去年十一月先至上市嘅翠華控股（01314），招股價2.27元，上周四即市創出4.96元的上市新高，以4.9元收市，升逾半成，事關佢獲納入大摩MSCI小型股香港指數，喺無蟹貨隱憂下，上升空間仍然有，如果短線回吐仲守得住10日線4.54元嘅話，可博升穿5蚊關見5.2元。

從事連鎖式茶餐廳業務嘅翠華，去年上半年收入增長35.7%至4.86億元，純利增長38.8%至6,478萬元，期內來自內地同澳門的收入分別為8,043萬元及504萬元，均比前年激增九成。由於公司將進一步打入內地，如上海、珠三角等，預料內地業務的收入貢獻將持續提升，只要佢嘅成本控制做得好，可以預期未來增長都唔錯。翠華上市日子仲短，德銀、麥格理同國元證券畀目標價介乎2.9至5.25元，除德銀睇得異常淡外，其餘兩間都叫人買。

翠華控股（01314）

阻力位：5.20元

支持位：4.54元