澳元兑對元走勢

多國央行先後出招，連帶澳洲央行都減息至歷史低位，造就一眾股市急升，德國股市亦創新高。不過，澳洲經濟增長前景未明、中國擴張又有憂慮、信用需求疲弱、澳元高企，都是近期澳元持續受壓的原因。

澳元兑對元走勢

今年年初已有報告指，澳元是最球最被高估的貨幣，因為澳元已升至近三十年高位，所以吸引索羅斯呢類大鱷絕對唔出奇，當散戶仲為咗3%利息都無嘅澳元去做定期時，喺索老眼中，沽澳洲紙卻係「世紀難逢」的良機 !

澳洲央行會後聲明入面，其實睇法都仲係幾悲觀，依家2.5%嘅通脹仲係符合央行目標同低於預期，換句話講減息周期仲未完，有需要時再可以減。睇彭博嘅利率掉期反映，下個月應該息口就唔會變，下次減息日期就可能係八月份。筆者講過好多次，有減息壓力、息差收窄就會拖住澳元後腿，買入澳元暫時都未係好值博。

技術上，澳元自去年八月開始於1.0150至1.06橫行整固近三季，時間上已到達臨界點，而且上周外匯期貨澳元淨持倉由3萬張急跌至6,000張，確認向下作出突破，按量度跌幅，或會跌至0.97至0.98水平。建議今個星期有機會見番1.0170的話，不如跟索羅斯沽澳元，止蝕於1.0280，先睇第一目標1算水平。