恒指期貨走勢 2013/5/6

美國就業數據優於預期，帶動港股昨日裂口高開，期指以22,888點開出，隨即見了全日高位22,909點，大戶試圖測試好友底線，分別在早市及午後推低期指去到22,751及22,722點，但期指大部分時間在22,750至22,879點間的百多點內上落，最後收22,761點，較合理值高水15點，五月合約成交5.87萬張，仲比上周五少。

恒指期貨走勢 2013/5/6

上周提到，港股近日選擇性地漠視內地經濟數據麻麻的影響，挾淡倉味道甚濃，昨日升市成交之低，證明推測無錯，觀乎港匯轉強，或者好友未必在四月月結之後，隨即鳴金收兵，尤其恒指升穿22,527點扭轉一浪低於一浪的形態後，較大的考驗在23,262點，這735點的途程內，重要阻力位唔多，市況較有利好友挾上。

穩陣的期指客，可以等回吐出現再買，若控制注碼在平時入市三分之一「晒士」左右，揸過市並無不可，尤其過去幾日所見，唔過市而選擇即市追升的成功率實在唔高。