恒指期貨走勢 2013/5/2

中國官方同滙豐編製的中國PMI數據都差過分析員預期，港股五連升告一段落。假期前已提出，連升之後仲要賭埋假期期間的數據博唔過，估唔到個市調整壓力咁溫和，昨日恒指收市跌68點，報22,668點。

恒指期貨走勢 2013/5/2

以恒指短期由21,423點升至22,862點，0.236回吐支持位在22,522點，同四月三日高位22,527點十分接近，港股破22,527點之後，確認扭轉一浪低於一浪的形勢，突破短短四日之後，會否再度失守？昨日指數即市見22,552點掉頭回升，估計好友都唔想這個重要防線，咁快得而復失。

昨日，即月期指高低位在早市已經出現，午後在22,524至22,596點之間數十點內悶到收市，再睇A股復市，成交同樣比假期前大幅減少，整個中港市況膠着的情況明顯，筆者認為在22,500至22,600點之間，沽與揸的贏面均等。值得一提，係滬綜指昨日9日RSI呈現底背馳情況，或者待港股破一破22,527點，看看淡友有幾大能耐，再部署開好倉。