魚缸Blogger：安東油服候回調收集

假前交易日油田服務股有唔錯表現，其中安東油服（03337）再破頂，即市創下6.29元的上市新高，埋單升6.3%。憧憬內地第三輪頁岩氣探礦權招標，帶動服務需求，望吓都無蝕底。

安東油服去年純利激增2.9倍至3億元人仔，原因係期內市場需求強勁、公司提高自主產品應用、建立戰略供應商，同埋規模採購令營業成本佔收入比下降，而首季主營業務油氣田開發技術服務完成281井次，多過去年同期嘅245井次，反映需求仍有上升趨勢。展望未來發展，安東油服將會繼續加大常規天然氣、緻密氣服務能力的建設、承接大規模的一體化項目，以及逐步啟動頁岩氣相關業務。

公司股價自去年六月起沿住50日線上升，由1.2元左右，升到依家6字頭，查實估值唔算吸引，可以等回調後收集，守住10日線5.73元，可小注跟炒。