魚缸Blogger：百勤油服 走勢強勁

今年三月先至由添利（00093）分拆上市嘅百勤油服（02178），招股價3.28元，至今累積升幅高達47%，尋日裂口高開，升逾6%，以4.83元收市，無乜蟹貨，可以（目及）實。

百勤係一間高端油田服務供應商，主要客戶為中石化（00386）附屬及合營，但業務收入佔比由前年的90%，降至去年的63%，反映佢發展海外市場奏效，對中石化嘅依賴已經減少。睇番成績表，公司去年經營收入增長5.4倍至10.57億元，純利增長一倍至1.78億元，原因係內地非常規油氣加速發展，帶動增產服務（尤其是多級壓裂服務）的需求。百勤話今年資本開支3億至3.5億元，主要用於建廠同增加設備，未來將會加快喺惠州興建研發中心及生產設施，目標於明年上半年開始投產。走勢上，股價啱啱出現黃金交叉，如果短線回吐仲守得住上升裂口4.59至4.69元嘅話，唔大貪先睇5.3元。

百勤油服（02178）

阻力位：5.30元

支持位：4.45元