魚缸Blogger：協同通信 走勢異動

尋日有隻「生面口」嘅通訊系統股協同通信（01613）殺入升幅榜，該股以大裂口高開14.6%後，喺成交激增下，即市一度挾到去0.57元，埋單守住開市價，收報0.55元。

協同係一間專用通訊系統核心組件供應商，產品主要用於公共安全同緊急通訊用途，客戶包括政府機構及私營企業。睇番尋日爆上原因，原來公司啱啱公布以8,000萬美元，向泰國上市公司Thaicom收購衞星頻寬容量、服務及使用權，為期九年半，該衞星服務地區覆蓋亞太區，而收購旨在發掘新的收入來源兼擴大客戶基礎，而且無需再向其他衞星服務商租用網絡。

另外，協同中期扭虧為盈，錄得純利2,151萬元，前年同期則蝕318萬元，毛利率亦由50.3%增至54.2%，皆因成本較低嘅地面移動低速衞星傳輸系統收入佔比增加。公司消息屬正面，但考慮到呢隻股平時成交偏靜，高追要留意流通量風險！

協同通信（01613）

阻力位：0.63元

支持位：0.50元