魚缸Blogger：四環醫藥 小注跟炒

尋日大市急跌，但醫藥板塊就展現強勁嘅抗疫（逆）能力，除咗推介過嘅石藥集團（01093）再破頂見4蚊外，四環醫藥（00460）低開高收，逆市升逾8%，以接近全日高位4.37元收市，兩支大陽燭撐住，不妨吼位跟炒一轉。

四環主攻心腦血管處方藥業務，另亦有賣呼吸系統、新陳代謝及抗感染等藥物，公司去年營業額增長35.7%至30.42億元人民幣，純利增長近一成至9億元人民幣，原因係產品組合進一步多元化、一○年上市後推出的新潛力產品收入佔比增至一半以上、所收購公司的分銷網絡整合完成令營運效率提升，同埋多個研發項目進展取得突破。

尋日德銀出報告叫買四環，話佢擁有高毛利專利藥物，未來數年嘅增長會比同業勁，目標價4.8元。睇番幅圖，股價自去年底起沿住50日線3.66元上升，守住尋日平均價4.2元可小注跟炒，阻力睇4.8元。

四環醫藥（00460）

阻力位：4.8元

支持位：3.9元