期指攻略：未收復22161難言轉勢

上星期，港股受制於10日及20日線阻力，藉內地經濟數據欠佳以及日股回軟，昨日調整壓力終於全面爆發，恒指及國指分別跌1.4%及2%，收報21,772點及10,440點，其中，國指即市低位10,394點，甚至跌穿四月五日低位10,407點，確認短期反彈浪失效。

港股上星期以低成交下累積362點升幅，沽空比例縮減，令挾淡倉機會減少，各技術指標顯示未能配合好友反攻，博好倉唔穩陣，只係估唔到周一復市，單單一個交易日，幾乎嘔凸。

技術上，中期大市受制於20日線，二月初一浪低於一浪的形態基本無變，除非現貨指數企穩20日線22,161點樓上收市，走勢才有些少希望轉好。

但截止十時，夜期跌幅擴大。追淡都要有相當大決心，二、三月的月線圖上，都已經高開低收，今個月要扭轉局勢，月線圖指數要上番去22,299點樓上，當然要先過20日線22,161點一關，否則個市仲係唔買得住。