魚缸Blogger：精電 小注博見5.5元

暴炒妹留意到，近期業務涉及顯示器或有關產品的公司，股價表現不俗，好似曾經推介過嘅信利國際（00732）同創維數碼（00751），而另一隻「生面口」嘅精電（00710），尋日亦都突破5蚊關，即市再創5.04元的五十二周新高，埋單升4.3%，收報5元，可以(目及)實。

精電主要從事汽車及工業顯示屏業務，雖然去年曾發中期盈警，不過下半年成功收復失地，全年營業額增長4.3%至22.2億元，純利微增1.7%至1.71億元，原因係下半年接獲訂單充裕，其中收入佔比逾六成嘅汽車顯示屏業務增長16%。公司主要收入來自歐洲，其次為中國及香港，餘下則由美洲等地區攤分。因日圓持續貶值，逾六成零件來自日本嘅精電，成本自然有所下降。睇番幅圖，股價自去年底起沿住20日線4.38元上升，由兩個幾升到依家5字頭，期間未曾試過跌穿50日線4.21元，近呢個月成交仲明顯多咗，小注博佢踢上5個半。

精電（00710）

阻力位：5.50元

支持位：4.65元