市場徐想：北亞策略 部署轉型

有食開漢堡包，一定聽過Burger King，原來Burger King喺香港及澳門嘅經營權，係由創業板公司北亞策略（08080）喺○七年獲得。不過，業務二○一一年蝕咗1.4億元，上年頭三季先錄得少少盈利，但都只係得500萬元。或者因為唔對路，董事會表明要精簡非核心業務，計劃向一名叫沈棟的投資者，發行可換股優先股以及一批認股權證，最多集資近4億元，即係話4億一隻殼仔。

沈棟主要於內地參與開發城市及航空城項目，而北亞策略集資所得，就會用來收購航空城的物流及基建設施，以部署轉型，即係「棄包從建」大翻新咁話。

優先股行使價為0.228元，認股證的行使價則為0.28元，較停牌前的收市價，有介乎5至29%溢價。