魚缸Blogger：京能潔能 醞釀突破

經過上個禮拜五急跌後，個市尋日未見明顯反彈，不過暴炒妹就聞到新能源概念股有番啲炒味，其中心水推介有京能清潔能源（00579）。集團係北京市屬最大嘅清潔能源發電企業，主要從事燃氣、風力及水力發電。雖然去年燃氣上網電價兩次上調，導致清潔能源生產的政府補助減少，但在風電及水電投產裝機容量增加下，去年整體收入及純利仍錄得2.5%及7.6%嘅增長。

北京近年通過「五環內無煤化」，加上早前持續受霧霾天氣影響，相信有關當局將進一步加強環保工作，京能潔能可謂食正國策，而禽流感對集團嘅業務基本上冇咩影響，有機會令該股免疫於近期嘅跌市。集團股價自三月中開始整固，近幾個交易日喺2.3元水平徘徊，似醞釀突破，若能升穿10日線2.4元阻力，後市有機會踢上2.56元，20日線2.3元支持未宜失守。

京能潔能（00579）

阻力位：2.56元

支持位：2.30元