市場徐想：中國綠色 未能樂觀

中國綠色食品（00904）於一○年三月發咗一批13.5億元人仔CB，三年期，轉眼間到期了，行使價超高，11.24元，係現價嘅6.6倍，係正常人都唔會行使啦！係咪？無計，惟有跪低，重訂條款，贖番一部分，其他嘅，梗係「三年又三年啦」，息率更加要提升至7.9厘，此情此景，惟有照跟！再睇真啲，贖番嘅錢，又係要問癡心小股民攞。

財政狀況就仲唔樂觀，手頭現金得番7.2億元人仔，按年急跌57%，公司由於贖回CB令佢由正流動資產淨值5.02億元人仔變成負流動資產淨值4.8億元。致命位梗係過度投資同債主上門追數，真係「屋漏兼逢連夜雨」。

講真，中國綠色PE確低，唔到2倍，但Prof. J買股一定要買有動力、唔怕高追，最怕無力水，收到未先？