空群搵筍貨藍籌盤「齋睇」

二手樓市備受辣招重擊，周六睇樓量及成交接連挫至「冰點」，終於在準買家趁機搵「筍貨」的帶動下回升。綜合地產代理數據，十大藍籌屋苑中，有八個睇樓量昨反彈，其中大埔中心飆升一倍。惟不少業主叫價仍企硬，用家見價位未到，入市仍審慎，大部分睇樓客都屬「齋睇」，成交未能同步跟上。

美聯陳曉風稱，大埔中心經過近一個月的淡靜，昨日睇樓氣氛有明顯好轉，單是該行全日已有十多組睇樓客，按周勁升一倍，平均每名代理要招呼兩至三組客。他指，買家逐漸消化加稅措施的影響，而近日二手樓市亦有不少劈價成交，令準買家都希望趁業主虛怯「執平貨」。

不過，由於劈價個案始終未成氣候，令昨日大部分睇樓客都屬「齋睇」個案。他指，大埔中心的租金雖然於兩個月間上升三成，仍不乏租客承租，本月就有15宗租務成交，是上月同期的兩倍。

第一城劈價30萬沽

沙田第一城睇樓量亦按周升20%，美聯鍾燕河稱，屋苑業主開始調低叫價，吸引買家問盤及睇樓，昨日亦即錄1宗減價成交。該單位為29座中層C室，建築/實際面積395/327方呎，原叫價345萬元，昨日突然劈價30萬元，至315萬元獲承接，減幅達8.7%，建築均價為7,975元，低市價5%。他續稱，原業主睇淡後市，故放盤三周即減價求售。

天水圍嘉湖山莊昨日雖然未有成交，但睇樓量亦按周升逾一成，中原譚展洪指，睇樓客仍以睇租盤為主導，約佔當中七成。他又稱，不少新界的外區客賣樓後，希望搬到天水圍找平租盤，待樓市穩定下來才再作入市打算，令睇租的人驟增。

港島區的鰂魚涌太古城、鴨脷洲海怡半島等，昨日睇樓量分別升10至20%。中原盧鏡豪表示，海怡半島的睇樓量升，但成交仍未有起色，主要因為業主減價的個案仍屬少數，而準買家的觀望心態亦濃厚，沒有可觀減幅的個案，難以打動他們。

新盤單日售逾30伙

受樓市觀望氣氛濃厚影響，昨日新盤銷情亦未見起色，代理估計昨主要新盤只銷逾30伙，當中以細價盤較旺場，銷情最佳為主攻上車客的恒地（00012）等元朗尚悅，代理估計售16伙；而該集團負責銷售的粉嶺逸峯則沽5伙。

另外，昨日開售的大角咀單幢新盤奧朗．御峯，發展商信置（00083）營業部聯席董事田兆源表示，截至昨日傍晚為止，該盤售近10伙，以一房戶為主，呎價最高為一個高層B室，建築/實用呎價13,003元/17,828元。至於遠東發展（00035）西洋菜北街晉嶺、長實（00001）長沙灣一號．西九龍、莊士機構（00367）佐敦珀．軒及華懋九龍城御．豪門，昨亦分別錄得成交。