市場徐想：洛陽鉬業留意風險

日做夜做，繼續為大家追蹤不同股票係Prof. J嘅高度使命。寫嘢唔一定要推介嘅，叫你小心都係一件相當唔錯嘅事。

洛陽鉬業（03993）毛利急跌就唔使講，最誇張嘅係鉬爐料跌得最「甘」，其他黃金同白銀就跌咗一半。原因唔使講，梗係需求減少、不能提價同外圍環境差。不過，佢嘅盈利只係下跌6%，唔通管理層又再一次立下奇功，為公司創造更佳價值？一睇，價值就係價值，不過係投資價值嘅收益，即係炒嘢啦。加上營業外收入，即係阿爺嘅補貼。如果阿爺休息、炒嘢出事嘅話，應該唔係下跌6%。

大家知道阿爺嘅補貼唔係無止境，總有退潮嘅一天。但為咗填補空缺，只顧用錢買內地銀行嘅投資理財產品，本末倒置。小股民又覺得你不務正業，可能最終得不償失添。